കോഴിക്കോട് കോര്‍പ്പറേഷന്‍ ഇഎംഎസ് സ്റ്റേഡിയത്തില്‍ ഇന്നലെ നടന്ന കേരള വനിതാ ലീഗ് ഫുട്‌ബോള്‍ മത്സരത്തില്‍ ഏകപക്ഷീയമായ 15 ഗോളുകള്‍ക്ക് ഗോകുലം കേള എഫ്‌സി കടത്തനാട് രാജ ഫുട്‌ബോള്‍ അക്കാദമി വടകരയെ പരാജയപ്പെടുത്തി. കടത്തനാടിന്റെ ഡിഫന്‍സ് നിരയെ തകര്‍ത്ത് ഗോകുലത്തിന്റെ 10-ാം നമ്പര്‍ വിവിയന്‍ കൊനേരു അഡ്‌ജെ ഗോള്‍മഴ സൃഷ്ടിച്ചു. പത്ത് ഗോളുകളാണ് വിവിയന്‍ നേടിയത്. മത്സരത്തിന്റെ 6,8,9,34,35,40,43,51+,56,62 മിനിട്ടുകളില്‍ ഘാനക്കാരി വിവിയന്‍ കൊനേരു അഡ്‌ജെ കടത്തനാട് രാജയുടെ വലകുലുക്കി. 8,24,38 മിനിട്ടില്‍19-ാം നമ്പര്‍ ഹാര്‍മിലിന്‍ കൗര്‍ മൂന്നു ഗോളുകളും 20-ാം മിനിട്ടില്‍ 30-ാം നമ്പര്‍ മാനസയും 45+1ല്‍ 20-ാം നമ്പര്‍ സോണിയയും ഗോകുലത്തിനു വേണ്ടി ഓരോ ഗോളുകളും നേടി. ഒക്‌ടോബര്‍ രണ്ട് ഞായറാഴ്ചയാണ് അടുത്ത മത്സരം. അന്ന് ഗോകുലം കേരള എഫ്‌സിയും ലോഡ്‌സ് എഫ്എയും തമ്മില്‍ ഏറ്റുമുട്ടും.
English Summary: Vivian’s breakout performance; A miserable defeat for Kadthanadi in front of Gokulam
You may like this video also
