വിഴിഞ്ഞം സമരക്കാരുമായി ഞായറാഴ്ച നിശ്ചയിച്ചിരുന്ന ചര്‍ച്ചക്ക് സമരസമിതി ഭാരവാഹികള്‍ എത്താത്തതിനാല്‍ മന്ത്രിതല ഉപസമിതി ഇന്ന് വീണ്ടും ചര്‍ച്ച നടത്തും. ഞായറാഴ്ച ചര്‍ച്ച നിശ്ചയിച്ചിരുന്നെങ്കിലും ഔദ്യോഗികമായി അറിയിച്ചില്ലെന്ന് കാട്ടിയാണ് സമരസമിതി ഭാരവാഹികള്‍ എത്താതിരുന്നത്.
തുറമുഖ നിര്‍മ്മാണം നിര്‍ത്തിവെക്കലൊഴികെ മറ്റ് ആവശ്യങ്ങള്‍ പരിഹരിക്കാമെന്ന ഉറപ്പില്‍ സമരത്തില്‍ നിന്ന് പിന്മാറണമെന്ന നിലപാടായിരിക്കും സര്‍ക്കാര്‍ സ്വീകരിക്കുക. അതേസമയം, വിഴിഞ്ഞം തുറമുഖ നിര്‍മ്മാണം നിര്‍ത്തി വെയ്ക്കണമെന്നാവശ്യപ്പെട്ടുള്ള സമരം ഇന്ന് പതിനഞ്ചാം ദിവസമാണ്.ഉന്നയിച്ച ആവശ്യങ്ങള്‍ എല്ലാം അംഗീകരിക്കാതെ സമരത്തില്‍ നിന്ന് പിന്മാറില്ലെന്നാണ് സമരസമിതിയുടെ നിലപാട്.
English summary; vizhinjam strike; The ministerial sub-committee will hold discussions today
You may also like this video;
