ആറ് സംസ്ഥാനങ്ങളിലെ ഏഴ് മണ്ഡലങ്ങളിലേക്കുള്ള ഉപതെരഞ്ഞെടുപ്പ് പൂര്‍ത്തിയായി. ഏറ്റവും കുറവ് വോട്ടിങ് രേഖപ്പെടുത്തിയത് മഹാരാഷ്ട്രയിലെ അന്ധേരി ഈസ്റ്റിലാണ്, 31.74 ശതമാനം. തെലങ്കാനയിലെ മുനുഗോഡ് മണ്ഡലത്തില്‍ 77.55 ശതമാനം വോട്ട് രേഖപ്പെടുത്തി. രാവിലെ ഏഴുമുതല്‍ വൈകീട്ട് ആറുമണിവരെയായിരുന്നു വോട്ടിങ് സമയം.
തെരഞ്ഞെടുപ്പ് കമ്മിഷന്റെ ഏറ്റവും പുതിയ കണക്കുകള്‍ പ്രകാരം ബിഹാറിലെ മൊകാമയില്‍ 53.45, ഗോപാല്‍ഗഞ്ചില്‍ 51.48 ശതമാനം വോട്ടിങ് രേഖപ്പെടുത്തി. ഹരിയാനയിലെ ആദംപുര്‍ 75.25, ഉത്തര്‍ പ്രദേശിലെ ഗോല ഗോകര്‍ണനാഥ് 55.68, ഒഡിഷയിലെ ധാംനഗറില്‍ 66.63 ശതമാനം വോട്ടിങ്ങുമാണ് രേഖപ്പെടുത്തിയത്. ഞായറാഴ്ചയാണ് തെരഞ്ഞെടുപ്പ് ഫലം പ്രഖ്യാപിക്കുക. ഇവയില്‍ മൂന്നെണ്ണം ബിജെപിയുടെ സിറ്റിങ് സീറ്റുകളാണ്. രണ്ട് സീറ്റുകള്‍ കോണ്‍ഗ്രസും ഓരോ സീറ്റുകള്‍ ആര്‍ജെഡി, ശിവസേന കക്ഷികളും ജയിച്ചിട്ടുള്ളവയാണ്. ശിവസേനയുടെ സിറ്റിങ് സീറ്റായ അന്ധേരി ഈസ്റ്റില്‍ ബിജെപി സ്ഥാനാര്‍ത്ഥിയെ പിന്‍വലിച്ചിരുന്നു.
English Summary: Voting on across 6 states in assembly bypolls
You may also like this video
