യുഎഇയിൽ ഇന്ന് പൊടിക്കാറ്റിനും കടൽ പ്രക്ഷുബ്‍ധമാകാനും സാധ്യതയെന്ന് ദേശീയ കാലാവസ്ഥാ നിരീക്ഷണ കേന്ദ്രം. അബുദാബിയിൽ 38 ഡിഗ്രി സെൽഷ്യസും ദുബായിൽ 37 ഡിഗ്രി സെൽഷ്യസുമായിരിക്കും താപനിലയെന്നാണ് അറിയിച്ചിരിക്കുന്നത്.
കടൽ പൊതുവെ പ്രക്ഷുബ്ധമായിരിക്കും. എട്ടടി വരെ ഉയരത്തിൽ തിരയടിക്കുമെന്നാണ് മുന്നറിയിപ്പ്. രാജ്യത്തെ താപനിലയിൽ ക്രമാനുഗതമായ കുറവുമുണ്ടാകും.
സമുദ്രോപരിതലത്തിൽ മണിക്കൂറിൽ 45 കിലോമീറ്റർ വരെ വേഗതയിൽ കാറ്റടിക്കാൻ സാധ്യതയുണ്ട്. ഇതിന്റെ ഭാഗമായി പൊടിക്കാറ്റ് രൂപപ്പെട്ടേക്കും. ഇതേതുടർന്ന് ദൂരക്കാഴ്ചാ പരിധിയിൽ കുറവ് വരുമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കിയിട്ടുണ്ട്.
English summary;Warning of possible dust storms in the UAE
You may also like this video;
