വയനാട് ദുരിതബാധിതർക്ക് എഐവൈഎഫ് സംസ്ഥാന കമ്മിറ്റി നിർമ്മിച്ച് നൽകുന്ന 10 വീടുകളുടെ ധനസമാഹരണത്തിനായി എഐവൈഎഫ് കാറളം മേഖല കമ്മിറ്റി “അതിജീവനത്തിന്റെ തട്ടുകട” സംഘടിപ്പിച്ചു. കാറളം സെന്ററിലെ തട്ടുക്കടയുടെ ഉദ്ഘാടനം എഐവൈഎഫ് ജില്ല പ്രസിഡന്റ് ബിനോയ് ഷബീർ നിര്‍വഹിച്ചു.
മുതിര്‍ന്ന സിപിഐ നേതാവ് കെ.ശ്രീകുമാർ, ജില്ല കൗൺസിൽ അംഗം എൻ കെ ഉദയപ്രകാശ്, എഐവൈഎഫ് ഇരിങ്ങാലക്കുട മണ്ഡലം സെക്രട്ടറി ടി.വി വിബിൻ, പ്രസിഡന്റ് വിഷ്ണു ശങ്കർ, കാറളം ഗ്രാമപഞ്ചായത്ത് പ്രസിഡന്റ് ബിന്ദു പ്രദീപ്, സിപിഐ കാറളം ലോക്കൽ സെക്രട്ടറി കെ.എസ് ബൈജു, ഇരിങ്ങാലക്കുട ബ്ലോക്ക് പഞ്ചായത്ത് അംഗം മോഹനൻ വലിയാട്ടിൽ, കാറളം ഗ്രാമപഞ്ചായത്ത് അംഗം ടി.എസ് ശശികുമാർ തുടങ്ങിയവർ സംസാരിച്ചു. എഐവൈഎഫ് ജില്ലാ കമ്മിറ്റി അംഗം ശ്യാംകുമാർ പി.എസ് അധ്യക്ഷത വഹിച്ചു, മേഖല സെക്രട്ടറി ഷാഹിൽ സ്വാഗതവും എഐഎസ്എഫ് ഇരിങ്ങാലക്കുട മണ്ഡലം പ്രസിഡന്റ്| വിഘ്നേഷ് പി.വി നന്ദിയും പറഞ്ഞു.