വയനാട്ടിലെ ഉരുൾപൊട്ടൽ ദുരന്തത്തിൽ തകർന്നു പോയ ജനതയ്ക്കായി ഒരുമിച്ച് 537/2022 സിവിൽ പൊലീസ് ഓഫീസർ റാങ്ക് ലിസ്റ്റിലെ നിയമനം കാത്തു നിൽക്കുന്ന ഉദ്യോഗാർത്ഥികളും. വയനാട് ചൂരൽ മലയിലെ ജനങ്ങളെ ജീവിതത്തിലേക്ക് തിരികെ കൈ പിടിച്ചു ഉയർത്തുവാൻ സിവിൽ പൊലീസ് ഓഫീസേഴ്സ് റാങ്ക് ലിസ്റ്റിലെ 7 ബറ്റാലിയനിലെയും ഉദ്യോഗാർഥികൾ ചേർന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് സ്വരൂപിച്ച തുകയായ 132000 രൂപ മുഖ്യമന്ത്രി പിണറായി വിജയന് നേരിട്ട് കൈമാറി. വയനാട് ജനതയുടെ കണ്ണുനീർ ഒപ്പുവാൻ സർക്കാരിന്റെ കൂടെ ചേർന്ന് തങ്ങളാൽ ചെയ്യാൻ കഴിയാവുന്ന ഏത് പ്രവൃത്തിയും ചെയ്യുവാൻ തയ്യാറാണെന്നും തുക കൈമാറിയ ശേഷം ഉദ്യോഗാർഥികൾ അദ്ദേഹത്തിന് ഉറപ്പ് നൽകി.
English Summary: Wayanad landslide; Candidates Listed in Police Rank with Helping Hand
You may also like this video
