ജോയിന്റ് കൗൺസിൽ ജില്ലാ സമ്മേളനം ബാബുരാജ് നഗർ ഹാളിൽ ജില്ലാ കൗൺസിൽ യോഗത്തോടെ തുടക്കമായി. തുടര്‍ന്ന് നടന്ന യാത്രയയപ്പ് സമ്മേളനം സിപിഐ ജില്ലാ അസി. സെക്രട്ടറി അഡ്വ. പി പി ബാലകൃഷ്ണൻ ഉദ്ഘാടനം ചെയ്തു. സംസ്ഥാന കൗൺസിൽ അംഗം എൻ പി സലിം അധ്യക്ഷത വഹിച്ചു. യാത്രയയപ്പ് സമ്മേളനത്തിൽ മുൻ സംഘടനാ നേതാക്കളായ സർവ്വെ അഡീഷനൽ ഡയറക്ടർ ദാമോദരൻ, ഫെയർ കോപ്പി സൂപ്രണ്ട് എ ഇ ചന്ദ്രൻ, സർവ്വേയർ അബ്ദുസലാം എന്നിവരെ ആദരിച്ചു.
സംസ്ഥാന സെക്രട്ടേറിയറ്റ് അംഗം എം രാകേഷ് മോഹൻ, സംസ്ഥാന കമ്മറ്റി അംഗം എസ് കെ എം ബഷീർ, എം ഗിരിജ, ജില്ലാ ജോയിന്റ് സെക്രട്ടറി കെ സുജിത്ത് കുമാർ, ടി സീമ തുടങ്ങിയവർ സംസാരിച്ചു. നന്മ സാംസ്കാരിക വേദിയിലെ കലാകാരായ എം ഗിരിജ, ടി സീമ, തരുൺ മുജീബ്സഫർ, പുഷ്പ കുമാരി എന്നിവരെ സമ്മേളനം അമുമോദിച്ചു. ഇന്ന് ബീനാമോൾ നഗർ മഞ്ചേരി ഹൈഫ പ്ലാസ കൺവെൻഷൻ സെന്ററിൽ നടക്കുന്ന പ്രതിനിധി സമ്മേളനം സിപിഐ ജില്ലാ സെക്രട്ടറി പി കെ കൃഷ്ണദാസ് ഉദ്ഘാടനം ചെയ്യും. സംസ്ഥാന ചെയർമാൻ കെ പി ഗോപകുമാർ, വൈസ് ചെയർമാൻ വി സി ജയപ്രകാശ് തുടങ്ങിയ നേതാക്കൾ പങ്കെടുക്കും.