ഇന്ന് വിവാഹം നടക്കേണ്ടിയിരുന്ന പ്രതിശ്രുത വരനെ കാണാതായിട്ട് ഇന്നേക്ക് 4 ദിവസം.വിവാഹത്തിന് പണം സംഘടിപ്പിക്കാനായാണ് മങ്കട പള്ളിപ്പുറത്ത് സ്വദേശി വിഷ്ണുജിത്ത് വീട്ടില്‍ നിന്നിറങ്ങിയത്.ബുധനാഴ്ച അമ്മയുടെ പക്കല്‍ നിന്നും 500 രൂപയും വാങ്ങി പാലക്കാടേക്കാണ് വിഷ്ണുജിത്ത് പുറപ്പെട്ടത്.
ഒരു സുഹൃത്തിന്റെ പക്കല്‍ നിന്നും ഒരു ലക്ഷം രൂപ ലഭിച്ചു എന്ന് കുടുംബത്തെ അറിയിക്കുകയും ചെയ്തിരുന്നു. അന്ന് തിരിച്ചെത്തില്ലെന്നും ഒരു ബന്ധു വീട്ടില്‍ തങ്ങി പിറ്റേന്ന് എത്താമെന്നും അറിയിച്ചിരുന്നു.എന്നാല്‍ 8 മണിയോടെ ഫോണ്‍ സ്വിച്ച ഓഫ് ആകുകയായിരുന്നു.കാണാതായ ഉടന്‍ തന്നെ പൊലീസില്‍ പരാതിപ്പെട്ടതായി കുടുംബം അറിയിച്ചു.