എം ജി സർവ്വകലാശാല സെനറ്റ് തെരഞ്ഞെടുപ്പുമായി ബന്ധപ്പെട്ട് എ ഐ എസ് എഫ് പ്രവർത്തകർക്ക് നേരെ എസ് എഫ് ഐ പ്രവർത്തകർ നടത്തിയ മൃഗീയമായ ആക്രമണത്തിൽ പ്രതിഷേധം ശക്തം. ഇതിന്റെ ഭാഗമായി ജില്ലയിലെ വിവിധ കേന്ദ്രങ്ങളിൽ എ ഐ എസ് എഫ് പ്രവർത്തകർ പ്രതിഷേധ പ്രകടനം നടത്തി. സെനറ്റ് തെരഞ്ഞെടുപ്പിൽ എസ് എഫ് ഐയ്ക്കെതിരെ എഐഎസ്എഫ് പ്രവർത്തകർ മത്സരിച്ചതാണ് ആക്രമണത്തിന് കാരണം.
സെനറ്റ് തെരഞ്ഞെടുപ്പിൽ എസ് എഫ് ഐയ്ക്കെതിരെ മത്സരിച്ചത് എ ഐ എസ് എഫ് പ്രവർത്തകർ മാത്രമായിരുന്നു. വിദ്യാർത്ഥിനികളെ ഉൾപ്പെടെ മൃഗീയമായി മർദ്ദിച്ച എസ് എഫ് ഐ ആക്രമണം പ്രതിഷേധാർഹമാണെന്ന് എഐഎസ്എഫ് ജില്ലാ പ്രസിഡന്റ് യു അമലും സെക്രട്ടറി അസ്ലംഷായും പ്രസ്താവനയിൽ പറഞ്ഞു.