കാലംതെറ്റി മഴ പെയ്തതിനെ തുടർന്ന് മാറി നിന്ന മഞ്ഞുകാലം മൂന്നാറിൽ മടങ്ങിയെത്തി. ഇതോടെ മൂന്നാർ അതിശൈത്യത്തിലേക്ക് നീങ്ങുകയാണ്. കഴിഞ്ഞ ദിവസം ഗുണ്ടുമല, ദേവികുളം എന്നിവിടങ്ങളിൽ തണുപ്പ് പൂജ്യം ഡിഗ്രിയിൽ താഴെ എത്തിയിരുന്നു.
ഇതോടെ പുൽമേടുകൾ, തേയിലത്തോട്ടങ്ങൾ എന്നിവിടങ്ങൾ മഞ്ഞുതുള്ളികളാൽ മൂടിയിരിക്കുകയാണ്. സാധാരണ ഡിസംബർ ആദ്യവാരത്തോടെ മൂന്നാറും പരിസരവും മഞ്ഞുകൊണ്ട് മൂടും.
പുലർച്ചെ മുതൽ രാവിലെ എട്ടുമണി വരെ ഇതാവും മൂന്നാറിന്റെ അവസ്ഥ. വരുംദിവസങ്ങളിൽ തണുപ്പ് മൈനസ് ഡിഗ്രിയിലെത്തുമെന്നാണ് കരുതപ്പെടുന്നത്. ഇതോടെ വിനോദ സഞ്ചാരികളുടെ മൂന്നാറിലേക്കുള്ള ഒഴുക്ക് വർധിക്കുമെന്നാണ് പ്രതീക്ഷ.
English Summary: Winter is back in Munnar
You may also like this video
