തിരുവനന്തപുരത്ത് ഓട്ടോറിക്ഷയിൽ വച്ച് യുവതിയെ ലൈംഗിക പീഡനത്തിനിരയാക്കിയ പ്രതി പിടിയില്‍. മുട്ടത്തറ സ്വദേശി മുഹമ്മദ് ജിജാസ് ആണ് അറസ്റ്റിലായത്. കഴിഞ്ഞ മൂന്നിന് രാത്രി 11നാണ് സംഭവം. അട്ടക്കുളങ്ങരയിൽ നിന്ന് ഓട്ടോ വിളിച്ച് മുട്ടത്തറയിലെ വീട്ടിലേക്ക് പോകും വഴിയായിരുന്നു പ്രതി യുവതിയെ പീഡിപ്പിച്ചത്. 35 കാരിയാണ് പീഡനത്തിന് ഇരയായത്.
ആളൊഴിഞ്ഞ സ്ഥലത്ത് ഓട്ടോ നിർത്തി യുവതിയെ ഭീഷണിപ്പെടുത്തിയായിരുന്നു പീഡനം. പോക്സോ ഉൾപ്പെടെ മറ്റ് ഒൻപത് കേസുകളിൽ പ്രതിയാണ് ഇയാൾ. യുവതി തിരുവനന്തപുരം ജനറൽ ആശുപത്രിയിൽ ചികിത്സ തേടി. സംഭവത്തിൽ ബലാത്സംഗ കുറ്റം ചുമത്തി പൊലീസ് കേസെടുത്തു.
English Summary: woman raped in auto rickshaw at thiruvananthapuram; The driver was arrested
You may also like this video
