സ്യൂട്ട്കേസിനുള്ളിൽ യുവതിയുടെ തലയോട്ടി കണ്ടെത്തിയ സംഭവത്തിൽ ഭർത്താവ് അറസ്റ്റിൽ. പശ്ചിമ ബംഗാളിലാണ് സംഭവം. ഉത്പല ഹിപ്പാർഗിയാണ് മരിച്ചത്. ഹരീഷ് ഹിപ്പാർഗിയാണ് അറസ്റ്റിലായത്. ഇക്കഴിഞ്ഞ വ്യാഴാഴ്ചയാണ് വിരാർ ഈസ്റ്റിലെ പീർക്കുട ദർഗയ്ക്ക് സമീപം സ്യൂട്ട്കേസിൽ പ്രദേശവാസികളായ കുട്ടികളാണ് യുവതിയുടെ തലയോട്ടി കണ്ടെത്തിയത്. കുടുംബ വഴക്കിനെ തുടർന്ന് രണ്ട് മാസങ്ങൾക്ക് മുൻപാണ് ഹരീഷ് കൊലപാതകം നടത്തിയതെന്ന് പൊലീസ് പറഞ്ഞു. ഭാര്യയുടെ തലയറുത്ത് മൃതദേഹം റെയിൽവേ ട്രാക്കിന് സമീപം മാലിന്യ ചാലിൽ ഉപേക്ഷിച്ചെന്ന് ഹരീഷ് മൊഴി നൽകി. സംഭവത്തില് അന്വേഷണം തുടരുകയാണ്.
സ്യൂട്ട്കേസിനുള്ളിൽ യുവതിയുടെ തലയോട്ടി; ഭർത്താവ് അറസ്റ്റിൽ
