ലോകകപ്പിലെ നിര്‍ണായക പോരാട്ടത്തില്‍ ടോസ് നേടിയതിനുപിന്നാലെ ബൗളിങ് തിരഞ്ഞെടുത്ത ഇന്ത്യ ആദ്യ കളിയില്‍ തന്നെ വിക്കറ്റ് വീഴ്ത്തി. ഇന്ത്യന്‍ പേസര്‍ മുഹമ്മദ് സിറാജിന്റെ ബൗളിങ്ങിലാണ് ഇന്ത്യക്ക് നേട്ടം. ടോസ് നേടിയ ഇന്ത്യ ബൗളിങ്ങ് തെരഞ്ഞെടുക്കുകയായിരുന്നു. രോഹിത് ശര്‍മ്മ നയിക്കുന്ന ടീമില്‍ കോലി, കെ എസ് രാഹുല്‍, ശ്രേയസ് എന്നീ ശക്തമായ താരങ്ങളാണ് ഇന്ത്യയുടെ കരുത്ത്. ഡെങ്കിപനി ഭേദമായ ശുഭ്മന്‍ ഗില്‍ ടീമില്‍ തിരിച്ചെത്തിയത് ഇഷാന്‍ കിഷന് പുറത്തേക്കുള്ള വഴി തെളിച്ചു.
അതേസമയം ലോകകപ്പില്‍ പാകിസ്ഥാനെതിരായ നിര്‍ണായ പോരാട്ടത്തിനിറങ്ങും മുമ്പ് ശുഭ്മാന്‍ ഗില്ലിനെത്തേടി ഐസിസി പുരസ്‌കാരവുമെത്തി. ഐസിസിയുടെ സെപ്റ്റംബര്‍ മാസത്തെ മികച്ച താരമായാണ് ഗില്‍ തെരഞ്ഞെടുക്കപ്പെട്ടത്. ഡെങ്കിപ്പനിമൂലം ലോകകപ്പിലെ ആദ്യ രണ്ട് മത്സരങ്ങളിലും ഇന്ത്യക്കായി ഇറങ്ങാന്‍ ഗില്ലിനായിരുന്നില്ല.
English Summary: World Cup: India took the first wicket
You may also like this video
