ഉക്രെയ്നിലെ ജനങ്ങള്‍ക്കുമേല്‍ റഷ്യ നടത്തിയ ആക്രമണങ്ങളില്‍ അന്വേഷണം വേണമെന്ന് ആഹ്വാനം ചെയ്ത് ലോകനേതാക്കള്‍. യുഎസ് ഉദ്യോഗസ്ഥർ യുദ്ധക്കുറ്റങ്ങൾ വിലയിരുത്തുന്നുണ്ടെന്നും റഷ്യ മനഃപൂർവം ജനങ്ങളെ ലക്ഷ്യമിടുന്നത് സ്ഥിരീകരിച്ചാൽ വലിയ പ്രത്യാഘാതങ്ങൾ ഉണ്ടാകുമെന്നും യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൻ പറഞ്ഞു.
ഐക്യരാഷ്ട്രസഭയുടെ പൊളിറ്റിക്കൽ ചീഫ് അണ്ടർസെക്രട്ടറി ജനറൽ റോസ്മേരി ഡികാർലോയും സിവിലിയൻ അപകടങ്ങളെക്കുറിച്ച് അന്വേഷിക്കണമെന്ന് ആവശ്യപ്പെട്ടു. അന്താരാഷ്‌ട്ര മാനുഷിക നിയമം സാധാരണക്കാർക്ക് നേരെയുള്ള നേരിട്ടുള്ള ആക്രമണം നിരോധിക്കുന്നുവെന്ന് യുഎൻ സെക്യൂരിറ്റി കൗൺസിലിനെ ഓർമ്മിപ്പിച്ചുകൊണ്ട് അവർ പറഞ്ഞു.
കഴിഞ്ഞദിവസം ഉക്രെയ്നിലെ സ്കൂളുകള്‍ക്കുനേരെയുണ്ടായ ആക്രമണങ്ങളെയും അവര്‍ അപലപിച്ചു.
യുഎൻ കണക്കുകൾ പ്രകാരം മൂന്ന് ദശലക്ഷത്തിലധികം ആളുകള്‍ ഉക്രെയ്നിൽ നിന്ന് പലായനം ചെയ്യാൻ യുദ്ധം കാരണമായിട്ടുണ്ട്. ആയിരക്കണക്കിന് സാധാരണക്കാർ മരിച്ചതായാണ് നിഗമനമെങ്കിലും മരണസംഖ്യ ഇനിയും ഉയര്‍ന്നേക്കുമെന്നാണ് വിവരങ്ങള്‍.
English Summary: World leaders have called for an investigation into the attack on Ukrainians
You may like this video also
