ദീര്‍ഘനാളത്തെ പ്രണയത്തിന് ശേഷം തന്റെ ഭാര്യയുടെ സമ്മതത്തോടെ ട്രാൻസ് യുവതിയെ വിവാഹം കഴിച്ച് യുവാവ്. ഒഡീഷയിലെ കാലഹണ്ഡിയിലാണ് വിവാഹിതനായ യുവാവ് ട്രാൻസ് യുവതിയുമായി പ്രണയത്തിലായതും ഒടുവില്‍ ഭാര്യയുടെ സമ്മതത്തോടെ വിവാഹം ചെയ്തതും. വിവാഹത്തിന് പിന്നാലെ സ്വന്തം വീട്ടിൽ താമസിപ്പിക്കാനും ഭാര്യ സമ്മതിച്ചു.
റായഗഡ ജില്ലയിലെ അമ്പാഡോല‌യിൽ വച്ചാണ് യുവാവ് കഴിഞ്ഞ വർഷം ഈ ട്രാൻസ് യുവതിയെ പരിചയപ്പെട്ടത്. തെരുവുകളിൽ ഭിക്ഷ യാചിച്ചു നടക്കുകയായിരുന്ന അവരെ കണ്ടപ്പോൾ തന്നെ യുവാവിന് ഇഷ്ടമാകുകയായിരുന്നു. ഒരു മാസം മുമ്പാണ് ഭാര്യ ഇരുവരും തമ്മിലുള്ള ഫോൺ സംഭാഷണം കേൾക്കാനിടയായത്. ചോദ്യം ചെയ്തപ്പോൾ യുവാവ് എല്ലാ കാര്യവും ഭാര്യയോ‌ട് വെളിപ്പെടുത്തുകയായിരുന്നു. ഒടുവില്‍ വിവാഹം നടത്താൻ തീരുമാനിക്കുകയായിരുന്നു.
English Summary: Young man marries trans woman
You may also like this video
