പറവൂരില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പകര്‍ത്തി ഭീഷണിപ്പെടുത്തിയ യുവാവിനെ അറസ്റ്റ് ചെയ്തു. പെരുമ്പടന്നയില്‍ വാടകയ്ക്ക് താമസിക്കുന്ന വൈപ്പിന്‍ എട്ടിക്കാട്ട് വീട്ടില്‍ അവിനാഷി (23) നെയാണ് അറസ്റ്റ് ചെയ്തത്.
സമൂഹമാധ്യമം വഴി പരിചയപ്പെട്ട പെണ്‍കുട്ടിയെ യുവാവ് ലൈംഗിക പീഡനത്തിനിരയാക്കുകയും, ദൃശ്യങ്ങള്‍ പകര്‍ത്തുകയുമായിരുന്നു. തുടര്‍ന്ന് ഇയാള്‍ പെണ്‍കുട്ടിയുടെ സഹോദരന് ദൃശ്യങ്ങള്‍ അയച്ച് നല്‍കി പണം ആവശ്യപ്പെടുകയായിരുന്നു. മുപ്പതിനായിരം രൂപയാണ് ഇയാള്‍ പെണ്‍കുട്ടിയുടെ കുടുംബത്തോട് ആവശ്യപ്പെട്ടത്. ഇതിന് പിന്നാലെയാണ് കുടുംബം പൊലീസില്‍ പരാതി നല്‍കിയത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
English Summary: young man who molested a minor girl was arrested
You may also like this video
