ഇടുക്കിയില്‍ ബന്ധുക്കള്‍ തമ്മില്‍ ഏറ്റുമുട്ടയതിനിടെ യുവാവിന് വെടിയേറ്റു. മൂവാറ്റുപുഴയിലാണ് സംഭവം. കടാതിമംഗലത്ത് വീട്ടില്‍ നവീനാണ് വെടിയേറ്റത്. ഇന്നലെ രാത്രി ഒരുമണിയോടെയാണ് ബന്ധുക്കള്‍ തമ്മിലേറ്റുമുട്ടിയത്.
കിഷോര്‍ എന്നയാളാണ് വെടിയുതിര്‍ത്തത്. വെടിയേറ്റ നവീനിന്റെ അമ്മയുടെ സഹോദരിയുടെ മകനാണ് കിഷോര്‍. കുടുംബകലഹമാണ് വെടിവയ്പ്പില്‍ കലാശിച്ചതെന്ന് പൊലീസ് പറഞ്ഞു. ഇന്നലെ രാത്രി ഇവര്‍തമ്മില്‍ വാക്കേറ്റമുണ്ടാകുകയും കിഷോര്‍ വെടിവയ്ക്കുകയുമായിരുന്നുവെന്നും പൊലീസ് കൂട്ടിച്ചേര്‍ത്തു.
ലൈസന്‍സ് ഉള്ള തോക്ക് ഉപയോഗിച്ചായിരുന്നു വെടിയുതിര്‍ത്തതെന്ന് മൂവാറ്റുപുഴ പൊലീസ് അറിയിച്ചു. വയറിന് വെടിയേറ്റ നവീന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്.