മണിപ്പൂരിലെ വംശഹത്യ തടയുന്നതിനും സമാധാനം പുന:സ്ഥാപിക്കുന്നതിനും കേന്ദ്രസർക്കാർ അടിയന്തിരമായി ഇടപെടണമെന്ന് യുവകലാസാഹിതി അരൂർ ഈസ്റ്റ് മണ്ഡലം സമ്മേളനം ആവശ്യപ്പെട്ടു. ജില്ലാപ്രസിഡന്റ് ഡോ. പ്രദീപ് കൂടയ്ക്കൽ ഉദ്ഘാടനം ചെയ്തു. മണ്ഡലം പ്രസിഡന്റ് ജി ബാബുലാൽ അദ്ധ്യക്ഷത വഹിച്ചു. മണ്ഡലം സെക്രട്ടറി ആര്‍ ദിനിൽ റിപ്പോർട്ട് അവതരിപ്പിച്ചു.
കലാസാംസ്ക്കാരിക വിദ്യാഭ്യാസ മേഖലകളിൽ പ്രതിഭതെളിയിച്ചവരെ എം കെ ഉത്തമന്‍ അനുമോദിച്ചു. സിപിഐ സംസ്ഥാന കൗൺസിൽ അംഗം ഡി സുരേഷ് ബാബു, ഗീതാതുറവൂർ, ഡി ഹർഷകുമാർ, പി എസ് ഹരിദാസ്, പൂച്ചാക്കൽ ലാലൻ, സത്യൻ മാപ്ലാട്ട്, ടി ആനന്ദൻ, മേഴ്സി ബെന്നി, അനിതാ സന്തോഷ്, രാഗിണി രമണൻ, എസ് രാജിമോൾ എന്നിവർ സംസാരിച്ചു.