യുവകലാ സാഹിതി അബുദാബി മാർച്ച് 18ന് അബുദാബി കേരള സോഷ്യൽ സെന്റർ അങ്കണത്തിൽ വച്ച് സംഘടിപ്പിക്കുന്ന മെഗാ ഇവന്റ് ഷോ “യുവകലാസന്ധ്യ- 2023 “ന്റെ ലോഗോ പ്രകാശനം രാജ്യസഭാംഗം എ എ റഹിം അബുദാബി കേരള സോഷ്യൽ സെന്ററിൽ വച്ച് നടന്ന ചടങ്ങിൽ നിർവ്വഹിച്ചു. അബുദാബി യുവകലാസാഹിതി പ്രസിഡന്റ് സിദ്ധിഖ് മുഹമ്മദ് അധ്യക്ഷത വഹിച്ചു.
കേരള സോഷ്യൽ സെന്റർ പ്രസിഡന്റ് വി.പി.കൃഷ്ണകുമാർ, സെന്റർ വൈസ് പ്രസിഡന്റ് റോയ് ഐ വർഗീസ് , അമൃത റഹിം, യുകലാസാഹിതി യു എ ഇ പ്രസിഡന്റ് സുഭാഷ് ദാസ് , ശക്തി തിയറ്റേഴ്സ് മുൻ പ്രസിഡന്റ് അൻസാരി സൈനുദ്ദീൻ, പി.ചന്ദ്രശേഖരൻ യുവകലാസഹതീ സംഘടന സെക്രട്ടറി എന്നിവർ സംസാരിച്ചു.
മനു കൈനകരി സ്വാഗതവും ജാസിർ നന്ദിയും പറഞ്ഞു. യുവകലാ സന്ധ്യ ‑2023 ൽ കേരളത്തിലെ മന്ത്രിമാർ, സാംസ്കാരിക പ്രവർത്തകർ തുടങ്ങിയവർ പങ്കെടുക്കുമെന്ന് ഭാരവാഹികൾ അറിയിച്ചു. പ്രശസ്ത സിനിമ പിന്നണി ഗായിക രഞ്ജിനി ജോസിന്റെ നേതൃത്വത്തിലുള്ള ഗാനമേളയും പരിപാടിക്ക് മാറ്റുകൂട്ടും.
English Summary: Yuvakala Sandhya 2023 logo released
You may like this video also