മഹാകവി കുമാരനാശാന്റെ 99-ാം ചരമവാർഷികത്തിന്റെ ഭാഗമായി യുവകലാസാഹിതി ഖത്തർ — “സാഹിതി വായനക്കൂട്ടം” സംഘടിപ്പിച്ച “ആശാനോടൊപ്പം ചൊല്ലിയും പറഞ്ഞും” എന്ന പരിപാടി മലയാളത്തിന്റെ പ്രിയ കവിയും ഗാനരചിതാവുമായ വയലാർ ശരത്ചന്ദ്രവർമ്മ ഉദ്ഘാടനം ചെയ്‌തു. സാഹിതി വായനക്കൂട്ടം കൺവീനർ സിറാജുദ്ദിൻ അധ്യക്ഷത വഹിച്ച യോഗത്തില്‍ ജോ- കൺവീനർ ജീമോൻ ജേക്കബ് സ്വാഗതം ആശംസിച്ചു.
യുവകലാസാഹിതി കോ- ഓർഡിനേഷൻ സെക്രട്ടറി ഷാനവാസ് തവയിൽ, യുവകലാസാഹിതി പ്രസിഡന്റ് അജിത് പിള്ള, ഇബ്രൂ ഇബ്രാഹിം, റവൂഫ് കൊണ്ടോട്ടി, വസന്തൻ പൊന്നാനി, അബ്ദുല്‍ ഗഫൂർ, സിമിൻ എന്നിവർ സംസാരിച്ചു. പ്രശസ്ത കവിയും ഗാന രചയിതാവുമായ ശ്രീ. രാധാകൃഷ്ണന്‍ കുന്നുപ്പുറം, ശിവൻ കോവൂർ, പ്രകാശ്, അനീഷ്, സുനി രഘു എന്നിവർ കവിതകൾ അവതരിപ്പിച്ചു. പ്രോഗ്രാം കോ-ഓർഡിനേറ്റർ അനീഷ് നന്ദിയും അറിയിച്ചു.