രാജ്യത്ത് കഴിഞ്ഞ 24 മണിക്കൂറിനിടെ 16,935 പേർക്ക് കൂടി കോവിഡ് സ്ഥിരീകരിച്ചു. തുടർച്ചയായ നാല് ദിവസത്തിന് ശേഷമാണ് രാജ്യത്തെ പ്രതിദിന കോവിഡ് കേസുകളിൽ കുറവുണ്ടായത്. ഇതോടെ രാജ്യത്ത് കോവിഡ് ബാധിച്ചവരുടെ എണ്ണം 4,37,67,534 ആയി ഉയര്‍ന്നു. നിലവില്‍ ചികിത്സയില്‍ കഴിയുന്ന കോവിഡ് രോഗികളുടെ എണ്ണം 1,44,264 ആയതായി കേന്ദ്ര ആരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ 51 മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്. പ്രതിദിന അണുബാധ നിരക്ക് 6.48 ശതമാനമാണ്. കഴിഞ്ഞ 24 മണിക്കൂറിനുള്ളിൽ 16,069 പേർ രോഗത്തിൽ നിന്ന് രോഗമുക്തി നേടി. ഇതോടെ രാജ്യത്ത് ഇതുവരെ 4,30, 97,510 പേർ രോഗമുക്തി നേടി.
കഴിഞ്ഞ നാല് ദിവസമായി 20, 000ത്തിന് മുകളിലാണ് രാജ്യത്തെ കോവിഡ് കേസുകൾ. ഞായറാഴ്ച 20,528,ശനിയാഴ്ച 20, 044, വെള്ളിയാഴ്ച 20038, വ്യാഴാഴ്ച 20, 139 എന്നിങ്ങനെയാണ് കേസുകൾ റിപ്പോർട്ട് ചെയ്തത്.
English summary;16,935 new covid cases in india
You may also like this video;
