കൊല്ലം പള്ളിക്കലാറില്‍ വള്ളം മറിഞ്ഞ് രണ്ട് പേര്‍ മരിച്ചു. ആറ്റില്‍ മീന്‍ പിടിക്കാനിറങ്ങിയ നാലംഗ സംഘത്തിലെ രണ്ട് പേരാണ് മരിച്ചത്. കല്ലേലിഭാഗം സ്വദേശികളായ ശ്രീരാഗ്(24), അജിത്ത്(23) എന്നിവരാണ് മരിച്ചത്. മറ്റ് രണ്ട്പേരെ രക്ഷപ്പെടുത്തി.
വൈകിട്ട് 4 മണിയോടെ പള്ളിക്കലാറില്‍ മീന്‍ പിടിക്കാനെത്തിയ ഇവരുടെ വള്ളം ശക്തമായ മഴയില്‍പ്പെട്ട് മറിയുകയായിരുന്നു. കരുനാഗപ്പള്ളിയില്‍ നിന്ന് സ്കൂബ സംഘം എത്തി മൃതദേഹം പുറത്തെടുക്കുകയായിരുന്നു. ഒപ്പമുണ്ടായിരുന്ന ശ്രീരാഗിന്‍റെ ഇരട്ട സഹോദരന്‍ ശ്രീരാജും മറ്റൊരാളും നീന്തി രക്ഷപ്പെടുകയായിരുന്നു.