കോതമംഗലം വടാട്ടുപാറ പുഴയില്‍ രണ്ടുപേരെ കാണാതായി. പലവൻപടി പുഴയിലാണ് അപകടം നടന്നത്. വിനോദസഞ്ചാരത്തിനായി ഇവിടേക്ക് വന്ന തോപ്പുംപടി സ്വദേശികളായ ആന്റണി ബാബു, ബിജു എന്നിവരെയാണ് പുഴയിൽ കാണാതായത്.
ഫോട്ടോ എടുക്കുന്നതിനിടയിൽ കാൽ വഴുതി പുഴയിൽ വീണ് മുങ്ങിത്താഴ്ന്നുവെന്നാണ് വിവരം. കോതമംഗലത്ത് നിന്ന് അഗ്നി രക്ഷ സേനാംഗങ്ങളും മുങ്ങൽ വിദഗ്ദ്ധരും എത്തി ഏറെ നേരം തെരച്ചിൽ നടത്തിയെങ്കിലും ഇവരെ കണ്ടെത്താനായില്ല. സന്ധ്യയായിട്ടും കണ്ടെത്താൻ കഴിയാതെ വന്നതോടെ വെളിച്ചക്കുറവ് മൂലം തെരച്ചിൽ നിർത്തി. തെരച്ചിൽ നാളെ പുനരാരംഭിക്കുമെന്നാണ് വിവരം.
English Summary: 2 drowned on river at kothamangalam
You may also like this video
