രാജ്യത്ത് പുതുതായി 243 പുതിയ കോവിഡ് രേഖപ്പെടുത്തി. അതേസമയം സജീവ കേസുകൾ 3,609 ആയി ഉയർന്നതായി കേന്ദ്ര ആരോഗ്യ മന്ത്രാലയത്തിന്റെ കണക്കുകൾ വെളിപ്പെടുത്തി. ഇതോടെ മൊത്തം കോവിഡ് കേസുകളുടെ എണ്ണം 4,46,78, 158 ആയി.
കഴിഞ്ഞ 24 മണിക്കൂറിനുള്ളിൽ ഒരു മരണം റിപ്പോർട്ട് ചെയ്യപ്പെട്ടു. മഹാരാഷ്ട്രയിലാണ് കോവിഡ് മരണം റിപ്പോര്‍ട്ട് ചെയ്തത്. ഇതോടെ രാജ്യത്തെ ആകെ മരണസംഖ്യ 5,30,699 ആയി. പ്രതിദിന പോസിറ്റിവിറ്റി നിരക്ക് 0.11 ശതമാനമായും പ്രതിവാര പോസിറ്റിവിറ്റി 0.16 ശതമാനമായും രേഖപ്പെടുത്തിയിട്ടുണ്ടെന്ന് മന്ത്രാലയം അറിയിച്ചു. 98.80 ശതമാനമാണ് രോഗമുക്തി നിരക്ക്.
24 മണിക്കൂറിനിടെ 57 കേസുകളുടെ വർധനവാണ് സജീവമായ കോവിഡ് കേസുകളുടെ എണ്ണത്തിൽ രേഖപ്പെടുത്തിയിരിക്കുന്നത്. രോഗം ഭേദമായവരുടെ എണ്ണം 4,41,43,850 ആയി ഉയർന്നപ്പോൾ കേസിലെ മരണനിരക്ക് 1.19 ശതമാനമാണെന്നും മന്ത്രാലയം പുറത്തുവിട്ട കണക്കുകളില്‍ വ്യക്തമാക്കുന്നു.
English Summary: 243 new covid cases in India; One death per 24 hours
You may also like this video
