ബെഗളൂരുവിലെ റഫ്രിജറേറ്റർ കൊലപാതകത്തിൽ പങ്കുണ്ടെന്ന് സംശയിക്കുന്നയാളെ ഒഡിഷയിൽ മരിച്ച നിലയിൽ കണ്ടെത്തി.ആത്മഹത്യ ചെയ്യുകയായിരുന്നുവെന്ന് ഒഡിഷ പൊലീസ് പറഞ്ഞു. മുക്തി രഞ്ചൻ റോയ് എന്ന പ്രതിയെ ഇന്ന് ഒഡിഷയിലെ ബദ്രാക് ജില്ലയിലെ ഒരു മരത്തിൽ തൂങ്ങി നരിച്ച നിലയിൽ കണ്ടെത്തുകയായിരുന്നു. പെൺകുട്ടിയുടെ ബെഗളൂരുവിലെ 3 പ്രധാന സുഹൃത്തുക്കളിലൊരാളായ ഇയാൾ കേസിലെ പ്രധാന പ്രതിയായിരുന്നു.
നാടിനെ നടുക്കിയ സംഭവത്തിൽ മഹാലക്ഷ്മി എന്ന യുവതിയുടെ മൃതദേഹം 30 കഷണങ്ങളാക്കി ഫ്രിഡ്ജിൽ സൂക്ഷിച്ച നിലയിൽ കണ്ടെത്തുകയായിരുന്നു.ശരീരഭാഗങ്ങൾ ജീർണ്ണിച്ചിരുന്നതിനാൽ മൃതദേഹത്തിന് 2 ആഴ്ചയെങ്കിലും പഴക്കമുണ്ടാകാമെന്ന് പൊലീസ് പറഞ്ഞിരുന്നു.ഒരു മാളിൽ ജോലി ചെയ്യുകയായിരുന്ന യുവതി ഭർത്താവുമായി അകന്നുകഴിയുകയായിരുന്നു.