വൈക്കം സ്വദേശിനിയായ യുവതിയെ ട്രെയിനിലെ ശുചിമുറിയിൽ മരിച്ച നിലയില്‍ കണ്ടെത്തി. ആലപ്പുഴ – ധൻബാദ് എക്സ്പ്രസ് ട്രെയിനിലാണ് മരിച്ചനിലയിലുള്ള മലയാളി യുവതിയുടെ മൃതദേഹം കണ്ടെത്തിയത്. വൈക്കം ആറാട്ടുകുളങ്ങര പാലക്കാട്ട് മഠത്തിൽ സുരജ എസ് നായർ ആണ് മരിച്ചത്. 45 വയസായിരുന്നു. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.
ജോളാർപെട്ടിൽ വച്ചാണ് ഇവരെ ശുചിമുറിക്കുള്ളില്‍ മരിച്ച നിലയില്‍ കണ്ടെത്തിയതെന്നാണ് വിവരം.
ഒഡിഷയിലുള്ള സഹോദരിയുടെ വീട്ടിൽ പോയ ശേഷം വൈക്കത്തേക്ക് മടങ്ങുകയായിരുന്നു ഇവരെന്നാണ് റിപ്പോര്‍ട്ടുകള്‍. റെയിൽവേ അധികൃതരാണ് ശുചിമുറിയിൽനിന്നും മൃതദേഹം കണ്ടെത്തിയത്. തുടർന്ന് ബന്ധുക്കളെ അറിയിക്കുകയായിരുന്നു.
English Summary: A Malayali woman was found dead in the washroom of the Alappuzha-Dhanbad train
You may also like this video
