ഡ്രൈഡേ കളിൽ മദ്യം ശേഖരിച്ചു വച്ച് വിൽപ്പന നടത്തുന്ന വെള്ളത്തൂവൽ കമ്പിപുരയിടത്തിൽ ജോസ്‌ (50) നെ അടിമാലി എക്സൈസ് റേഞ്ച് സംഘം പിടികൂടി. തുടർന്നു വരുന്ന രണ്ട് അവധി ദിവസങ്ങളിൽ വിൽപ്പന നടത്തുന്നതിനായി ശേഖരിച്ചു വെച്ചിരുന്ന 24 ലിറ്റർ മദ്യവും കണ്ടെടുത്തു.വെള്ളത്തൂവൽ ടൗണിൽ പ്രവർത്തിക്കുന്ന സ്ഥാപനത്തിൽ മത്സ്യവും, മാംസവും വിൽപ്പന നടത്തുന്ന കോൾഡ് സ്റ്റോറേജിൻ്റെ മറവിലാണ് മദ്യക്കച്ചവടം നടത്തിയിരുന്നത്.
രഹസ്യവിവരത്തിൻ്റെ അടിസ്ഥാനത്തിലാണ് ഇയാളെ പിടികൂടിയത്.പ്രിവൻ്റീവ് ഓഫീസർ വി പി സുരേഷ് കുമാറിൻ്റെ നേതൃത്വത്തിൽ നടത്തിയ റെയ്ഡിൽ പ്രിവൻ്റീവ് ഓഫീസർ ഗ്രേഡ് കെ പി റോയിച്ചൻ, സിവിൽ എക്സൈസ് ഓഫീസർമാരായ മീരാൻ കെ എസ് ‚ഹാരിഷ് മൈദീൻ, ക്ലമൻ്റ് വൈ, രഞ്ജിത്ത് കവിദാസ്, ശരത് എസ് പി എന്നിവരും പങ്കെടുത്തു. അടിമാലി കോടതിയിൽ ഹാജരാക്കിയ പ്രതിയെ റിമാൻറു ചെയ്തു.
English Summary:A man was arrested with 24 liters of liquor kept for sale
You may also like this video
