എറണാകുളം മെഡിക്കൽ കോളജിലും ഡോക്ടറെ ആക്രമിച്ച് രോഗി. പരിക്കേറ്റ് ചികിത്സക്കെത്തിയ യുവാവാണ് ഡോക്ടറെ മർദ്ദിച്ചത്. വട്ടേക്കാട് സ്വദേശി ഡോയൽ ആണ് ആക്രമണം നടത്തിയത്. തന്റെ മുഖത്തടിച്ച യുവാവ് കൊല്ലുമെന്ന് ഭീഷണിപ്പെടുത്തിയെന്ന് ഡോക്ടര്‍ ഇര്‍ഫാന്‍ ഖാന്‍ വ്യക്തമാക്കി. വനിതാ ജീവനക്കാരോട് അസഭ്യം പറയുകയും ബഹളം വയ്ക്കുകയും ചെയ്തു. രാത്രി പതിനൊന്നരയോടെയാണ് യുവാവിനെ ആശുപത്രിയിലെത്തിച്ചത്. ഇയാള്‍ മദ്യലഹരിയില്‍ ആയിരുന്നുവെന്നാണ് റിപ്പോര്‍ട്ടുകള്‍. തുടര്‍ന്ന് അപകടമുണ്ടായതിനുപിന്നാലെ ബന്ധുക്കളാണ് ഡോയലിനെ ആശുപത്രിയില്‍ എത്തിച്ചത്. ഡോക്ടറുടെ പരാതിയിൽ കളമശ്ശേരി പോലീസ് ഡോയലിനെതിരെ കേസ് എടുത്തു.
English Summary: A patient who was taken to a medical college attacked a doctor: a case has been registered by the police
You may also like this video
