ഏറാമലയില്‍ ക്ഷേത്ര ഉത്സവ പറമ്പിനടുത്ത് പോലീസുകാരന് കുത്തേറ്റു. ഏറാമല മണ്ടോള്ളതില്‍ ക്ഷേത്രോല്‍സവ പറമ്പിനടുത്ത് ചീട്ട് കളി പിടികൂടാനെത്തിയ പോലീസ് സംഘത്തിന് നേരെയാണ് അക്രമം. എ ആര്‍ ക്യാമ്പിലെ പോലീസുകാരൻ അഖിലേഷിനാണ് (33) കുത്തേറ്റത്. പരിക്കേറ്റ ഇയാളെ ആശുപത്രിയിലേക്ക് മാറ്റി. ഉല്‍സവത്തിനിടെ പണം വെച്ച് ചീട്ട് കളിയും ചട്ടികളിയും നടക്കുന്ന വിവരം നാട്ടുകാര്‍ വിളിച്ച് അറിയിച്ചതിനെ തുടര്‍ന്നാണ് പോലീസ് സംഘം എത്തിയത്. കുത്തിയ പ്രതിയെ ഒരു സംഘം ബലമായി മോചിപ്പിച്ചതായി പറയുന്നു. പ്രതിയെ തിരിച്ചറിഞ്ഞതായി എടച്ചേരി പോലീസ് അറിയിച്ചു.
English Summary: A policeman was stabbed during a festival in Nadapuram
You may also like this video
