ട്രാവൻകൂർ റിഹാബിലിറ്റേഷൻ പാലിയേറ്റിവ് കെയർ (റ്റിആർപിസി) പ്രവർത്തനം സമൂഹത്തിന് മാതൃകയാണെന്ന് മന്ത്രി പി പ്രസാദ് പറഞ്ഞു. ടിആർപിസി 2023 വർഷത്തെ പ്രവർത്തനങ്ങളുടെ ജില്ലാ തല ഉത്ഘാടനം നിർവ്വഹിച്ച് സംസാരിക്കുകയായിരുന്നു മന്ത്രി. ഇതുപോലെയുള്ള പ്രസ്ഥാനങ്ങൾ സമൂഹത്തിന് അനിവാര്യമാണ്. കൂടുതൽ ജനവിഭാഗങ്ങൾക്ക് ടിആർപിസിയുടെ പ്രവർത്തനങ്ങളുടെ ഭാഗമായുള്ള സഹായങ്ങൾ ലഭിക്കും.
ഇനിയുള്ള ശമ്പളത്തിലെ ഒരു ഭാഗം ടിആർപിസിയുടെ പ്രവർത്തനങ്ങൾക്ക് നൽകുമെന്നും മന്ത്രി അറിയിച്ചു. ഒയിൽ പാം ഇന്ത്യ ചെയർമാനും റ്റി ആർ പി സി ചെയർമാനുമായ എം വി വിദ്യാധരൻ അദ്ധ്യക്ഷത വഹിച്ചു. അടൂർ നഗരസഭ ചെയർമാൻ ഡി സജി, തിരുവല്ല റുറൽ ഫാർമേഴ്സ് സൊസെറ്റി പ്രസിഡന്റ് അഡ്വ. കെ ജി രതിഷ് കുമാർ, റ്റി ആർ പി സി ഡയറക്ടർ ബോർഡംഗങ്ങളായ എം മധു, അരുൺ കെ എസ് മണ്ണടി, പി എസ് റജി, ജി ബൈജു, ബെൻസി തോമസ്, എ ദിപ കുമാർ, അജയൻ പന്തളം എന്നിവർ സംസാരിച്ചു.
English Summary: A portion of the salary will be paid; TRPC services model for society: Minister P Prasad
You may like also like this video
