വിഴിഞ്ഞത്ത് നിന്ന് കാണാതായ രണ്ടാമത്തെ വള്ളവും കണ്ടെത്തി

വിഴിഞ്ഞത്ത് നിന്ന് കാണാതായ രണ്ടാമത്തെ വള്ളവും കണ്ടെത്തി. വള്ളത്തിലുണ്ടായിരുന്ന് നാല് പേരും സുരക്ഷിതരാണ്. തമിഴ്നാട് കുളച്ചലിന് സമീപത്ത് നിന്നാണ് വള്ളം കണ്ടെത്തിയത്. ഇതോടെ കാണാതായ 9 മത്സ്യത്തൊഴിലാളികളിൽ 8 പേരെ കണ്ടെത്തി. കണ്ടെത്തിയ മത്സ്യത്തൊഴിലാളികളെ കോസ്റ്റ് ഗാർഡിന് കൈമാറി. വ്യാഴാഴ്ചയായിരുന്നു ഇഈവർ മത്സ്യബന്ധനത്തിനായി ഉൾക്കടലിലേക്ക് പോയത്. വെള്ളിയാഴ്ച മടങ്ങി വരേണ്ടവർ ബോട്ടിൻറെ ഡീസൽ തീർന്നതിനെത്തുടർന്ന് കടലിൽ കുടുങ്ങുകയായിരുന്നു. തമിഴ്നാട്ടിൽ നിന്നുള്ള മത്സ്യത്തൊഴിലാളികളുടെ ബോട്ടാണ് ഇവരെ കണ്ടെത്തിയത്.