ബൈക്ക് നിയന്ത്രണം വിട്ട് ലോറിക്കടിയിൽ പെട്ട് വിദ്യാർഥി മരിച്ചു. ബൈക്കിന് പിറകിൽ സഞ്ചരിക്കുകയായിരുന്ന മലപ്പുറം വള്ളിക്കുന്ന് കോലോത്ത് സ്വദേശി അബ്ദുള്‍ സലീമിന്റെ മകന്‍ മുഹമ്മദ് റിസ് വാന്‍(21) ആണ് മരിച്ചത്. രാവിലെ ഒമ്പതോടെ കൊട്ടാരം റോഡ് ജംഗ്ഷന് സമീപം സെയില്‍ടാക്‌സ് ഓഫിസിലേക്ക് പോകുന്ന റോഡിലായിരുന്നു അപകടം. കോഴിക്കോട് സ്വകാര്യ സ്ഥാപനത്തിൽ അക്കൗണ്ടിങ് കോഴ്സ് പഠിക്കുന്ന റിസ് വാൻ സഹപാഠി റമീത്തിനൊപ്പം സഞ്ചരിക്കവേയാണ് അപകടത്തിൽ പെട്ടത്. ലോറിയുടെ ചക്രത്തിനുള്ളിലേക്ക് വീണ റിസ് വാന്‍ തല്‍ക്ഷണം മരിച്ചു. പരുക്കേറ്റ റമീത്ത് കോഴിക്കോട് സഹകരണ ആശുപത്രിയിൽ പ്രാഥമികചികിൽസയ്ക്ക് ശേഷം ആശുപത്രി വിട്ടു. നടക്കാവ് പൊലിസ് സ്ഥലത്തെത്തി സ്ഥിതിഗതികള്‍ നിയന്ത്രിച്ചു. ബീച്ചില്‍ നിന്നും ഫയര്‍ യൂണിറ്റും എത്തി റോഡ് വൃത്തിയാക്കി. റിസ് വാന്റെ മൃതദേഹം ഖബറടക്കി. മാതാവ്: സുനീറ. സഹോദരങ്ങൾ: മുഹമ്മദ് ഉക്വാഷ്, ഫാത്തിമ ഹെന്ന.
English Summary: A student’s bike fell under a lorry and one person died
You may also like this video
