വിത്ത് ഉത്പാദന കേന്ദ്രത്തിലെ സ്ത്രീ തൊഴിലാളി ഇടിമിന്നലേറ്റു മരിച്ചു

വീയപുരം സർക്കാർ വിത്ത് ഉത്പാദന കേന്ദ്രത്തിലെ തൊഴിലാളി ചെറുതന ആനാരി വലിയപറമ്പിൽ ഉത്തമൻ്റെ ഭാര്യ ശ്യാമള (58) ആണ് മരിച്ചത് . ഇന്ന് വൈകിട്ട് മൂന്നരയോടെയാണ് അപകടം. വിത്തു ഉൽപാദന കേന്ദ്രത്തിലെ കൃഷിയിടം ഒരുക്കുന്നതിനിടെ ശക്തമായ മഴയെ തുടർന്ന് കരയിലേക്ക് നടന്നു വരവെ ഇടിമിന്നലേറ്റ് വീഴുകയായിരുന്നു. സഹതൊഴിലാളികളും ജീവനക്കാരും ചേർന്ന് ഹരിപ്പാട് താലുക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല . മക്കൾ: ഉമേഷ്, സുമേഷ്. മരുമക്കൾ: നീതു , രേവതി സംസ്കാരം നാളെ വൈകിട്ട് 3 ന്