കൊല്ലം അഴീക്കലിൽ ആൺ സുഹൃത്ത് പെട്രോളൊഴിച്ച് തീകൊളുത്തിയ യുവതി മരിച്ചു. അഴീക്കൽ സ്വദേശിനി ഷൈജ മോളാണ് ചികിത്സയിലിരിക്കെ മരിച്ചത്. യുവതിയെ തീകൊളുത്തിയതിനൊപ്പം യുവാവും സ്വയം തീകൊളുത്തുകയായിരുന്നു. ഇയാൾ സംഭവസ്ഥലത്ത് വച്ച് തന്നെ മരിച്ചിരുന്നു. 4 വർഷമായി ഇവർ ഒന്നിച്ചാണ് താമസം. എന്നാൽ ഇന്നലെ രാത്രി ഷൈജ മോളുടെ വീട്ടിലെത്തിയ ഷിബു ഇവരുമായി വഴക്കിടുകയും കയ്യിൽ കരുതിയിരുന്ന പെട്രോളൊഴിച്ച് തീകൊളുത്തുകയുമായിരുന്നു.
സംഭവ സമയം വീട്ടിലുണ്ടായിരുന്ന ഷൈജയുടെ മാതാപിതാക്കൾ നിലവിളിച്ചതിനെത്തുടർന്ന് നാട്ടുകാർ ഓടിക്കൂടുകയായിരുന്നു. ഇതോടെ ഷിബു സ്വയം പെട്രോളൊഴിച്ച് തീകൊളുത്തി. നാട്ടുകാർ ചേർന്നാണ് ഇരുവരെയും ആശുപത്രിയിലാക്കിയത്. ഷിബു നിരവധി കേസുകളിലെ പ്രതിയാണെന്നാണ് പൊലീസ് പറയുന്നത്.