തിരുവനന്തപുരം ധനുവച്ചപുരം കോളജിൽ വിദ്യാർത്ഥിയെ ക്രൂരമായി മർദിച്ച് എബിവിപി പ്രവർത്തകർ. സംഭവത്തിൽ 6 പേർക്കെതിരെ പൊലീസ് വധശ്രമത്തിന് കേസെടുത്തിട്ടുണ്ട്. കോളജിലെ ഡിഗ്രി ഫൈനൽ ഇയർ വിദ്യാർത്ഥി ദേവചിത്താണ് ക്രൂരമർദ്ദനത്തിന് ഇരയായത്. ദേവചിത്ത് നിലവിൽ നെയ്യാറ്റിൻകര നിംസ് ആശുപത്രിയിൽ ചികിത്സയിലാണ്. എബിവിപിയുടെ പരിപാടിയിൽ പങ്കെടുക്കാത്തിനെത്തുടർന്നാണ് മർദിച്ചതെന്ന് വിദ്യാർത്ഥി പറഞ്ഞു.
ദേവചിത്തിൻറെ ശരീരത്തിൽ മാരക ആയുധങ്ങൾ ഉപയോഗിച്ച് മർദ്ദിച്ചതിൻറെ പാടുകളുണ്ട്. 15 വിദ്യാർത്ഥികൾ ചേർന്നാണ് മർദ്ദിച്ചതെന്ന് പരാതിയിൽ പറയുന്നു. സംഭവത്തിൽ വിശദമായ പൊലീസ് അന്വേഷണം നടന്നുവരികയാണ്.