കോട്ടയം ടി ബി റോഡിൽ നിയന്ത്രണം നഷ്ടമായ ടിപ്പർ ലോറി ഓട്ടോറിക്ഷയിലും കാറിലും ഇടിച്ച് മറിഞ്ഞ് അപകടം. അപകടത്തിൽ രണ്ടുപേർക്ക് പരിക്കേറ്റിട്ടുണ്ട്. രാവിലെ പത്തരയോടെയാണ് സംഭവം. കോട്ടയം കെഎസ്ആർടിസി സ്റ്റാൻഡ് റോഡ് ഇറങ്ങി വരികയായിരുന്ന ടിപ്പർ നിയന്ത്രണം നഷ്ടമായി മുന്നിലൂടെ പോയ ഓട്ടോറിക്ഷയിലും കാറിലും ഇടിച്ച് കെഎസ്ഇബിയുടെ ട്രാൻസ്ഫോമറിലേക്ക് ഇടിച്ച് കയറുകയായിരുന്നു. ഇതോടെ ടിബി റോഡിൽ വൻ ഗതാഗതക്കുരുക്ക് ഉണ്ടായി. പരിക്കേറ്റവരെ കോട്ടയം ജില്ലാ ജനറൽ ആശുപത്രിയിലേക്ക് മാറ്റി.
കോട്ടയത്ത് ടിപ്പര്‍ ലോറി ഓട്ടോറിക്ഷയിലും കാറിലും ഇടിച്ച് അപകടം: രണ്ടുപേര്‍ക്ക് പരിക്കേറ്റു
