എക്സൈസ് വകുപ്പിൻറെ മേൽനോട്ടത്തിൽ നടൻ ഷൈൻ ടോം ചാക്കോയെ ലഹരിമുക്ത കേന്ദ്രത്തിൽ ചികിത്സിക്കാൻ തീരുമാനമായി. സ്ഥിരമായി ലഹരി ഉപയോഗിക്കാറുണ്ടെന്നും തനിക്ക് ഇതിൽ നിന്ന് മോചനം വേണമെന്നുമുള്ള നടൻറെ തുറന്നു പറച്ചിലിൻറെ അടിസ്ഥാനത്തിലാണ് തീരുമാനം.
ഹൈബ്രിഡ് കഞ്ചാവ് കേസിൽ പിടിക്കപ്പെട്ട ഷൈൻ ചോദ്യം ചെയ്യലിനിടെയാണ് ലഹരി ഉപയോഗത്തെപ്പറ്റി പൊലീസിനോട് വെളിപ്പെടുത്തിയത്.