നടിയെ ആക്രമിച്ച കേസുമായി ബന്ധപ്പെട്ട അപകീർത്തി കേസ് റദ്ദാക്കാനായി ദിലീപ് നൽകിയ ഹർജി പരിഗണിക്കുന്നതിൽ നിന്ന് ജസ്റ്റിസ് പി വി കുഞ്ഞികൃഷ്ണൻ പിന്മാറി. ദിലീപിനൊപ്പം അച്ഛൻ സിനിമയിൽ അഭിനയിച്ചെന്ന് വ്യക്തമാക്കിയാണ് ജഡ്ജി പിന്മാറിയത്.
തിയേറ്ററുടമയും നിർമ്മാതാവുമായ ലിബർട്ടി ബഷീർ നൽകിയ അപകീർത്തി കേസ് റദ്ദാക്കണമെന്ന് ആവശ്യപ്പെട്ടാണ് ദിലീപ് ഹൈക്കോടതിയെ സമീപിച്ചത്. എന്നാൽ, തന്റെ അച്ഛനും ഹർജിക്കാരനും തമ്മിൽ സിനിമാ ബന്ധമുള്ളതിനാൽ, ഈ കേസിൽ നിന്ന് ഒഴിയുകയാണെന്ന് ജസ്റ്റിസ് പി വി കുഞ്ഞികൃഷ്ണൻ വ്യക്തമാക്കി. തുടർന്ന് ജസ്റ്റിസ് പി ജി അജിത്കുമാറിന്റെ ബെഞ്ചാണ് ഹർജി പരിഗണിച്ചത്. ദിലീപ് നാളെ തലശേരി കോടതിയിൽ നേരിട്ട് ഹാജരാകണമെന്ന തലശേരി കോടതി ഉത്തരവ് ഹൈക്കോടതി ഒരു മാസത്തേക്ക് സ്റ്റേ ചെയ്തു. കല്യാണരാമൻ എന്ന സിനിമയിൽ ദിലീപിന്റെ മുത്തച്ഛനായി അഭിനയിച്ച ഉണ്ണികൃഷ്ണൻ നമ്പൂതിരിയുടെ മകനാണ് ജസ്റ്റിസ് പി വി കുഞ്ഞികൃഷ്ണൻ.
English Summary: Actress attack case; judge back from considering the case
You may also like this video
