മദ്യപിച്ച് വിമാനം ഓടിച്ച പൈലറ്റിനെ പിരിച്ച് വിട്ട് എയര്‍ ഇന്ത്യ. ഫുക്കറ്റ് – ഡല്‍ഹി വിമാനത്തിലെ പൈലറ്റിനെയാണ് പിരിച്ചുവിട്ടത്. നിയലംഘനം നടത്തിയത്തിന് പൈലറ്റിനെതിരെ എഫ്‌ഐആര്‍ ഫയല്‍ ചെയ്യാനുള്ള നടപടികള്‍ എയര്‍ ഇന്ത്യ സ്വീകരിച്ചു വരികയാണെന്ന് അധികൃതർ അറിയിച്ചു.
ഇക്കാര്യങ്ങളില്‍ ഞങ്ങള്‍ക്ക് ഒട്ടും വിട്ടുവീഴ്ചയില്ലെന്നും. പൈലറ്റിന്റെ സേവനം അവസാനിപ്പിക്കുക മാത്രമല്ല, മദ്യപിച്ച് വിമാനം ഓടിച്ചത് ക്രിമിനല്‍ നടപടിയായതിനാല്‍ എഫ്‌ഐആര്‍ രജിസ്റ്റര്‍ ചെയ്യാനും പദ്ധതിയിട്ടിരിക്കുകയാണ് എന്നും ഇക്കാര്യം ഡിജിസിഎ അറിയിച്ചിട്ടുണ്ടെന്ന് എയര്‍ലൈന്‍ വൃത്തങ്ങള്‍ വ്യക്തമാക്കി. പൈലറ്റ് പുതിയ ക്യാപ്റ്റന് വേണ്ടിയുള്ള പരിശീലന പറക്കല്‍ നടത്തുകയായിരുന്നു. 2023ലെ ആദ്യ ആറ് മാസങ്ങളില്‍ 33 പൈലറ്റുമാരും 97 ക്യാബിന്‍ ക്രൂ അംഗങ്ങളും ബ്രെത്ത് അനലൈസര്‍ പരിശോധനയില്‍ പരാജയപ്പെട്ടുവെന്നും എയര്‍ ഇന്ത്യ അറിയിച്ചു.
English Summary:Air India sacked the pilot who flew the plane under the influence of alcohol
You may also like this video
