എഐഎസ്എഫ് സ്കൂൾ മെമ്പർഷിപ്പ് സംസ്ഥാനതല ഉദ്ഘാടനം കാസര്‍കോട് ജില്ലയിലെ രാവണീശ്വരം ഗവ. ഹയർ സെക്കന്‍ഡറി സ്കൂളിൽ നടന്നു.
വിദ്വേഷ വിഭജനവാദികൾക്കെതിരെ വിപ്ലവകാരിയായ വിദ്യാർത്ഥിയാവുക എന്ന മുദ്രാവാക്യം ഉയർത്തി സംഘടിപ്പിക്കുന്ന മെമ്പർഷിപ്പ് ക്യാമ്പയിന്‍ സംസ്ഥാന സെക്രട്ടറി പി കബീർ രാവണീശ്വരം ഗവൺമെന്റ് ഹയർ സെക്കന്‍ഡറി സ്കൂളിൽ വെച്ച് റോളർ സ്കേറ്റിങ് താരവും സ്കൂൾ വിദ്യാർത്ഥിയുമായ അചിന്ത്യ കൃഷ്ണക്ക് മെമ്പർഷിപ്പ് നൽകി സംസ്ഥാനതല ഉദ്ഘാടനം നിർവ്വഹിച്ചു.
എഐഎസ്എഫ് ജില്ലാ സെക്രട്ടറി പ്രഭിജിത്ത് അധ്യക്ഷത വഹിച്ചു. അശ്വന്ത് സ്വാഗതവും പറഞ്ഞു. സിപിഐ ജില്ലാ സെക്രട്ടറി സി പി ബാബു, കരുണാകരൻ കുന്നത്ത്, എ തമ്പാൻ, എം ശ്രീജിത്ത്, ജിനു ശങ്കർ, രാകേഷ് രാവണീശ്വരം, യദുകൃഷ്ണൻ എന്നിവർ സംസാരിച്ചു. ആശ്മിത് രാജ് നന്ദി പറഞ്ഞു.
English Summary: AISF School Membership; State level campaign was inaugurated
You may also like this video
