എഐടിയുസി 42-ാം ദേശീയ സമ്മേളനത്തിന്റെ പതാകദിനം ഡിസംബർ അഞ്ചിന് ആചരിക്കും. അടുത്തമാസം 16 മുതൽ 20 വരെ ആലപ്പുഴയിൽ നടക്കുന്ന ദേശീയ സമ്മേളനത്തിന്റെ ഭാഗമായി പതാകദിനത്തില്‍ കേരളത്തിലെ ഒരു ലക്ഷം കേന്ദ്രങ്ങളിൽ പതാക ഉയർത്തും. അഞ്ചിന് ആലപ്പുഴ വലിയ ചുടുകാട് രക്തസാക്ഷി മണ്ഡപത്തിൽ എഐടിയുസി ദേശീയ ജനറൽ സെക്രട്ടറി അമർജീത് കൗർ പതാക ഉയർത്തും. പതാക ദിനാചരണപരിപാടി വിജയിപ്പിക്കുവാൻ എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രന്‍ തൊഴിലാളികളോട് അഭ്യർത്ഥിച്ചു. സമ്മേളനത്തിന്റെ പ്രചരണാർത്ഥം വിളംബര ജാഥകളും സൈക്കിൾ ജാഥകളും പ്രാദേശികാടിസ്ഥാനത്തിൽ സംഘടിപ്പിക്കും.
English Summary:AITUC National Conference Flag Day on 5th December
You may also like this video
