അഭിപ്രായ സ്വാതന്ത്രത്തിനും ആവിഷ്കാര സ്വാതന്ത്ര്യത്തിനും വിലക്കേർപ്പെടുത്തി അറിയാനുള്ള രാജ്യത്തെ പൗരന്റെ അവകാശം നിഷേധിക്കാനുള്ള കേന്ദ്രസർക്കാരിന്റെ തിട്ടൂരം അംഗീകരിക്കില്ലായെന്ന് ഇന്ത്യൻ യുവത്വം തെളിയിച്ചു. രാജ്യത്ത് സാമൂഹിക മാധ്യമങ്ങളിൽ ഉൾപ്പെടെ പ്രദർശനം ബിബിസിയുടെ “INDIA: THE MODI QUESTION” എന്ന ഡോക്യുമെന്ററി എഐവൈഎഫ് നേതൃത്വത്തിൽ പ്രദർശിപ്പിച്ചു.
എഐവൈഎഫ് ജില്ലാ കമ്മിറ്റിയുടെ നേതൃത്വത്തിൽ നടത്തിയ പ്രദർശനം എഐവൈഎഫ് സംസ്ഥാന ജോ സെക്രട്ടറി അഡ്വ: ആർ ജയൻ ഉദ്ഘാടനം ചെയ്തു. എഐഎസ്എഫ് ജില്ലാ സെക്രട്ടറി അശ്വിൻ മണ്ണടി അധ്യക്ഷത വഹിച്ചു. എഐവൈഎഫ് ജില്ലാ സെക്രട്ടറി എസ്സ് അഖിൽ, എഐഎസ്എഫ് സംസ്ഥാന ജോ സെക്രട്ടറി ബിബിൻ ഏബ്രഹാം, എ ഐ വൈ എഫ് സംസ്ഥാന കമ്മിറ്റി അംഗം ശ്രീനാ ദേവി കുഞ്ഞമ്മ, എഐഎസ്എഫ് സംസ്ഥാന കമ്മിറ്റി അംഗം ദേവദത്ത് എസ്സ്, ബൈജു മുണ്ടപ്പള്ളി, ആരോമൽ ആർ, ആസാദ്, വില്യം ശാമുമേൽ തുടങ്ങിയവർ പങ്കെടുത്തു.
English Summary: AIYF started screening of BBC documentary
You may also like this video
