ബാലസാഹിത്യകാരൻ എം പി ജോസഫ് എഴുതിയ ‘ആകാശക്കുട’ ബാലകവിത പുസ്തകത്തിന്റെ പ്രകാശനം പ്രൊഫ. എം കെ സാനു നിർവ്വഹിച്ചു. ‘ആകാശക്കുട’ മൂന്നാം പതിപ്പിന്റെ പ്രകാശനമാണ് സാനുമാഷ് നിർവ്വഹിച്ചത്. ചുരുങ്ങിയ കാലത്തിനിടയിൽ പുസ്തകത്തിന് വലിയ സ്വീകാര്യതയാണ് ലഭിക്കുന്നത്.
വിശ്വമഹാകവി രവീന്ദ്രനാഥ ടാഗോർ ആലുവ അദ്വൈതാശ്രമം സന്ദർശിച്ചതിന്റെ ശതാബ്ദി ആഘോഷ പരിപാടിക്കിടെയാണ് പുസ്തക പ്രകാശനം നടന്നത്. പരിപാടിയിൽ സാഹിത്യകാരൻ വേണു വി ദേശം, സ്വാമിനി നിത്യചിന്മയി എന്നിവർ ടാഗോറിന്റെ കവിതകൾ ചൊല്ലി. എസ്എൻഡിപി യോഗം ആലുവ യൂണിയൻ പ്രസിഡന്റ് വി സന്തോഷ് ബാബു, ബോർഡ് മെമ്പർ വി ഡി രാജൻ, സിസ്റ്റർ ശാലിനി, ശിവൻ മുപ്പത്തടം, ഡോ. സുരാജ് ബാബു, മുസ്തഫ മൗലവി, ബാലൻ ഏലൂക്കര, എം പി ജോസഫ് എന്നിവർ സംസാരിച്ചു.
English Summary: Akashkuda 3rd edition released by M K Sanu
You may also like this video
