ഓൾകേരള സ്കൂൾടീച്ചേഴ്സ് യൂനിയൻ (എകെഎസ്‌ടിയു) സംസ്ഥാനകമ്മിറ്റി, അധ്യാപക പ്രസ്ഥാനത്തിന്റെ അമരക്കാരനായ പി ആർ നമ്പ്യാരുടെ സ്മരണക്കായ് ഏർപ്പെടുത്തിയ പുരസ്കാരത്തിന് കവിയും എഴുത്തുകാരനും പ്രഭാഷകനുമായ മാധവൻ പുറച്ചേരിയെ തിരഞ്ഞെടുത്തു. മലബാറിൽ ഇന്ത്യൻ കമ്മ്യൂണിസ്റ്റ് പ്രസ്ഥാനത്തിന് ബീജവാപം കുറിക്കുന്നതിൽ നെടുനായകത്വം വഹിച്ച വടക്കില്ലം ഗോവിന്ദൻ നമ്പൂതിരിയുടെ മകനാണ് മാധവൻ പുറച്ചേരി.
അദ്ദേഹത്തിന്റെ അമ്മയുടെ ഓർമ്മ പുസ്തകം എന്ന ഗ്രന്ഥത്തിൽ കമ്മ്യൂണിസ്റ്റ് പ്രസ്ഥാനവും അതിന്റെ കുടുംബാഗങ്ങളും അനുഭവിച്ച തീക്ഷ്ണമായ യാഥാർത്ഥ്യങ്ങളെ അനാവരണം ചെയ്യുന്നു. അധ്യാപന രംഗത്തും സാമൂഹ്യ സാംസ്കാരിക മേഖലയിലുമുള്ള അദ്ദേഹത്തിന്റെ സംഭാവനകൾ പരിഗണിച്ചാണ് പുരസ്കാരം. 15,000 രൂപയും പ്രശ്സതിപത്രവുമടങ്ങുന്നതാണ് പുരസ്കാരം. എൻശ്രീകുമാർ, കെ കെ ബാലന്‍ മാസ്റ്റര്‍ , എൻ ഗോപാലകൃഷ്ണൻ എന്നിവരായിരുന്നു ജൂറികമ്മറ്റിയംഗങ്ങൾ. സംസ്ഥാന സമ്മേളനത്തോടനുബന്ധിച്ച് ഫെബ്രുവരി16 ന് വൈകുന്നേരം കണ്ണൂർ സ്റ്റേഡിയം കോർണറിൽ നടക്കുന്ന പൊതുസമ്മേളനത്തിൽ വച്ച് പന്ന്യൻ രവീന്ദ്രൻ പുരസ്കാരം സമർപ്പിക്കും.
English Summary: AKSTU — PR Nambiar award to poet Madhavanpucheri
You may also like this video
