സ്‌കൂള്‍ കുട്ടികളുമായി പോയ ഓട്ടോറിക്ഷയുടെ മുകളിലേയ്ക്ക് വൈദ്യുതി പോസ്റ്റ് ഒടിഞ്ഞ് വീണു. സ്‌കൂള്‍ കുട്ടികള്‍ അടക്കം അഞ്ച് പേര്‍ അത്ഭുതകരമായി രക്ഷപെട്ടു. അണക്കര ചേമ്പുകണ്ടം സ്വദേശി സതീഷ് ഓടിച്ച ഓട്ടോറിക്ഷയുടെ മുകളിലേയ്ക്കാണ് പോസ്റ്റ് ഒടിഞ്ഞ് വീണത്. രാവിലെ സ്‌കൂളിലേയ്ക്ക് നാല് കുട്ടികളുമായി പോയ സമയത്താണ് അപകടം ഉണ്ടായത്. ശക്തമായ കാറ്റിലും മഴയിലും ഒടിഞ്ഞ് വീണ മരം തട്ടി പോസ്റ്റ് താഴേയ്ക്ക് പതിക്കുകയായിരുന്നു. ഓട്ടോറിക്ഷയുടെ മുന്‍വശത്തേയ്ക്ക് വീണതിനാല്‍ ആര്‍ക്കും തന്നെ പരിക്കില്ലാതെ അത്ഭുതകരമായി രക്ഷപെട്ടു.
English Summary: An electric pole fell on top of an autorickshaw carrying school children
You may like this video also
