ബിജെപി സംസ്ഥാന വൈസ് പ്രസിഡന്റ് ശോഭ സുരേന്ദ്രന്റെ വീടിന് മുന്നില് സ്ഫോടക വസ്തു പൊട്ടിത്തെറിച്ചു. തൃശൂര് അയ്യന്തോളിലെ വീടിന് മുന്നിലാണ് രാത്രിയോടെ സ്ഫോടക വസ്തു പൊട്ടിത്തെറിച്ചത്. ബൈക്കില് എത്തിയ നാലു പേരാണ് സ്ഫോടക വസ്തു എറിഞ്ഞത്.
ശോഭ വീട്ടില് ഉണ്ടായിരുന്ന സമയത്ത് തന്നെയായിരുന്നു രാത്രി 10.30യോടെ സ്ഫോടനം നടന്നത്. വീടിന് മുമ്പിലെ റോഡില് പൊട്ടിത്തെറി ശബ്ദം കേട്ടതായി ശോഭ സുരേന്ദ്രന് പറഞ്ഞു. സമഗ്ര അന്വേഷണം വേണമെന്ന് ബിജെപി സിറ്റി പ്രസിഡന്റ് ജസ്റ്റിന് ജേക്കബ് ആവശ്യപ്പെട്ടു. അതേസമയം, ജില്ലയിലെ ബിജെപി നേതാക്കളുടെ വീടുകള്ക്ക് സംരക്ഷണം നല്കാന് പൊലീസ് നിര്ദേശം നല്കി.