എം സി റോഡിൽ ഏറ്റുമാനൂരിൽ നിയന്ത്രണം വിട്ട കാറും മിനിലോറിയും കൂട്ടിയിടിച്ച് ഒരാൾക്ക് ദാരുണാന്ത്യം. ഏറ്റുമാനൂർ സ്വദേശിയാണ് മരിച്ചതെന്നാണ് പ്രാഥമിക വിവരം. കാറിനുള്ളിൽ ഉണ്ടായിരുന്ന മറ്റ് രണ്ടുപേരെ ഗുരുതരമായ പരിക്കുകളോടെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ ഒരു മണിക്ക് ശേഷം ഏറ്റുമാനൂർ മഹാദേവക്ഷേത്രത്തിൽ മുന്നിലായിരുന്നു അപകടം.
അഗ്നിരക്ഷാ സേനയും ഏറ്റുമാനൂർ പൊലീസും സ്ഥലത്ത് എത്തി രക്ഷാപ്രവർത്തനം നടത്തി. കാറിൽ കുടുങ്ങിപ്പോയ യാത്രക്കാരെ നാട്ടുകാർ ചേർന്ന് കാർ വെട്ടി പൊളിച്ചാണ് പുറത്ത് എടുത്തത്. അപകടത്തെ തുടർന്ന് ഏറ്റുമാനൂർ എറണാകുളം റൂട്ടിൽ അരമണിക്കൂറോളം ഗതാഗതം ഭാഗികമായി തടസ്സപ്പെട്ടു.