ഇടതുപക്ഷവിരുദ്ധ ചേരി സൃഷ്ടിക്കാൻ ശ്രമിക്കുന്നവർക്ക് ശരിയുടെ പക്ഷത്തുനിന്ന് ചേലക്കര ഉപതെരഞ്ഞെടുപ്പിലൂടെ ജനങ്ങള്‍ കേരളത്തിന്റെ വികാരം തെളിയിക്കുമെന്ന് റവന്യു മന്ത്രി കെ രാജൻ. എൽഡിവൈഎഫ് ‘റൈഡ് വിത്ത് യു ആർ പ്രദീപ്’ ബൈക്ക് റാലിയെ അഭിവാദ്യം ചെയ്തു സംസാരിക്കുകയായിരുന്നു അദ്ദേഹം.
ഇടതുപക്ഷത്തിന്റെ എല്ലാ ഗുണഫലങ്ങളും ഏറ്റുവാങ്ങി ശരിയുടെ പക്ഷത്ത് ഉറച്ചുനിൽക്കാൻ തീരുമാനിച്ചിരിക്കുകയാണ് ചേലക്കര. കഴിഞ്ഞ മൂന്ന് പതിറ്റാണ്ടായി വികസനത്തിലേക്ക് ചേലക്കരയെ നയിച്ച രണ്ട് മനുഷ്യർ, മണ്ണും മനസും തിരിച്ചറിഞ്ഞ രണ്ട് കമ്മ്യൂണിസ്റ്റുകാർ ഇന്നും ഒപ്പമുണ്ട്. നവംബര്‍ 23 വരെ എന്തെല്ലാം അവകാശപ്പെട്ടാലും ചേലക്കരയിൽ നിന്ന് കേരള നിയമസഭയിലേക്ക് കൈപിടിച്ച് അയയ്ക്കുക ഇടതുപക്ഷത്തിന്റെ യു ആർ പ്രദീപിനെ ആയിരിക്കുമെന്ന് അദ്ദേഹം പറഞ്ഞു.