ആറന്മുള ഉതൃട്ടാതി ജലമേള നാളെ

ആറന്മുള ഉതൃട്ടാതി ജലമേള നാളെ. 52 പള്ളിയോടങ്ങൾ പങ്കെടുക്കും. കേന്ദ്ര സംസ്ഥാന മന്ത്രിമാർ പങ്കെടുക്കുന്ന യോഗത്തോടുകൂടി ജലമേള ആരംഭിക്കും. രണ്ട് മണിക്ക് ആരംഭിക്കുന്ന ജല ഘോഷയാത്രയും തുടർന്ന് മത്സര വള്ളംകളിയും നടക്കും.
മന്നം, ആർ ശങ്കർ മെമ്മോറിയൽ, ദേവസ്വം ബോർഡ് ട്രോഫികൾ വിജയികൾക്ക് വിതരണം ചെയ്യും. കുറ്റമറ്റ രീതിയിൽ സ്റ്റാർട്ട് ചെയ്യുന്നതിനും ക്രമീകരണങ്ങൾ ചെയ്തിട്ടുള്ളതായി റേസ് കമ്മിറ്റി കൺവീനർ ബി കൃഷ്ണകുമാർ അറിയിച്ചു. പുറമേനിന്നുള്ള തുഴച്ചിൽക്കാരെ ഉപയോഗിക്കുന്നത് ഇത്തവണ കർശനമായി നിരോധിച്ചിട്ടുണ്ട്.