സിഡ്നിയിൽ നിന്ന് ന്യൂഡല്‍ഹിയിലേക്ക് പോയ എയർ ഇന്ത്യയുടെ മുതിർന്ന ഉദ്യോഗസ്ഥനെ യാത്രികൻ മർദിച്ചു. വിമാനത്തിനുള്ളിലെ ഉച്ചത്തിലുള്ള സംസാരം കുറയ്ക്കണമെന്ന് ആവശ്യപ്പെട്ട എയർ ഇന്ത്യ ഉദ്യോഗസ്ഥനെ യാത്രക്കാരൻ തല്ലുകയും തല വളച്ചൊടിക്കുകയും അധിക്ഷേപിക്കുകയും ചെയ്യുകയായിരുന്നു.
ജൂലൈ 9ന് സിഡ്‌നി-ഡല്‍ഹി സർവീസ് നടത്തുന്ന AI301 വിമാനത്തിനുള്ളിലെ ഒരു യാത്രക്കാരൻ ഫ്ലൈറ്റിനിടെ അസ്വീകാര്യമായ രീതിയിൽ പെരുമാറി, വാക്കാലുള്ളതും രേഖാമൂലമുള്ളതുമായ മുന്നറിയിപ്പുകൾ അവഗണിച്ച്, ഞങ്ങളുടെ ഒരു ജീവനക്കാരൻ ഉൾപ്പെടെയുള്ള മറ്റ് യാത്രക്കാർക്ക് ബുദ്ധിമുട്ടുണ്ടാക്കിയെന്ന് കമ്പനി തങ്ങളുടെ പ്രസ്താവനയിൽ പറയുന്നു.
ഡല്‍ഹിയില്‍ വിമാനം ഇറക്കിയ ശേഷം യാത്രക്കാരനെ സുരക്ഷാ ഏജൻസിക്ക് കൈമാറി. എന്നാല്‍ യാത്രക്കാരൻ പിന്നീട് രേഖാമൂലം ക്ഷമാപണം നടത്തി. സംഭവത്തെക്കുറിച്ച് ഡിജിസിഎയെ അറിയിച്ചു. കുറ്റാരോപിതനായ യാത്രക്കാരനെതിരെയോ ആക്രമണത്തിന് വിധേയനായ ഉദ്യോഗസ്ഥന്റെ പേരിലോ സ്വീകരിച്ച നടപടിയെക്കുറിച്ചോ അധികൃതർ ഇതുവരെ വിവരങ്ങളൊന്നും നൽകിയിട്ടില്ല.
English Summary:asked to reduce loud talking; Air India official assaulted by passenger
You may also like this video
